2019 жылғы 5-шілде күні сағат 14.00-де ШҚО тілдерді дамыту басқармасы жөніндегі басқарманың ұйымдастыруымен семинар-тренинг өтті.Толық оқу...

Бүгін, 19 маусым күні ШҚО тілдерді дамыту жөніндегі басқармасы әскери сала мамандарының арасында «Ұлы даланың ұлы тілі» атты командалық байқау өткізді. Толық оқу...

2019 жылғы 23 мамыр күні Қазақстан Республикасы Мәдениет және спорт министрлігі Тіл саясаты комитеті Ш.Шаяхметов атындағы «Тіл-қазына» ұлттық ғылыми-практикалық орталығының ұйымдастыруымен Өскемен қаласында «Жаңа емле: құрлымы мен мазмұны» атты республикалық шара латыннегізді қазақ жазуын меңгертетін Тіл оқыту орталықтарының тренерлерін (оқытушыларын) оқытуға арналған дәріс- семинары өз жұмысын басталды. Шараның өтуі 2 күнге жоспарлануда. Толық оқу...

Ағымдағы жылдың 13-17 мамыр аралығында Шығыс Қазақстан облысы тілдерді дамыту жөніндегі басқармасының Шығыс Қазақстан лингвистикалық орталығы Ұлттық тестілеу орталығымен бірлесе отырып С. Аманжолов атындағы Шығыс Қазақстан мемлекеттік университетінде ҚАЗТЕСТ жүйесі бойынша қазақ тілін меңгеру деңгейін анықтау мақсатында облыстық департаменттер мен басқармалар, қалалық, аудандық мемлекеттік мекемелер мен мемлекеттік қызмет көрсету ұйымдарының қызметкерлеріне тест өткізді. Атап айтқанда: ҚР Қазынашылық департаментінің, ҚР Қаржы министрлігінің ШҚО кірістер департаментінің, ҚР Ұлттық қауіпсіздік комитетінің департаментінің, ШҚО полиция департаментінің, ҚР ШҚО бойынша тексеру комиссиясының, ШҚО статистика департаментінің, 4470, 44051 әскери бөлімдерінің қызметкерлері, Назарбаев Зияткерлік мектебінің мұғалімдері.Толық оқу...

ШҚ лингвистикалық орталығының ұйымдастыруымен Өскемен қалалық №11 «Айгөлек балабақша-бөбекжайы» КМҚК–нің қызметкерлері 48 сағаттық «Тілашар» курсын сәтті аяқтады. Курс соңында тыңдаушылармен «Тіл-тірегіміз, соғып тұрған жүрегіміз» тақырыбында сайыс сабағы өтті. Шара барысында тыңдаушылар тыңдалым дағдысын, диалог құру, мәтін құру, ауызекі Сабақ соңында тыңдаушыларға аталмыш курстан өткендігі туралы куәлік табысталып, тыңдаушылар курсты жалғастырып оқуға ниет білдірді.Толық оқу...

2019 жылы 29 наурызда ШҚО тілдерді дамыту жөніндегі басқармасының ШҚ лингвистикалық орталығы ересектерге мемлекеттік тілді оқытып жүрген шығармашылықпен жұмыс жасайтын, кәсіби шебер оқытушыларды анықтау мақсатында А.Байтұрсынұлы атындағы облыстық конкурс өткізді.Толық оқу...

ШҚО тілдерді дамыту жөніндегі басқармасы және ШҚ лингвистикалық орталығының ұйымдастыруымен 2019 жылдың 15 наурыз күні «Қазақстанның болашағы жастардың қолында» атты эссе жазудан облыстық байқау өткізілді. Байқауға облыстағы тіл оқыту орталықтарына қазақ тілін оқуға тартылған орта (В1), (В2) ортадан жоғары деңгейдің 14 тыңдаушысы қатысты. Бұл қатысушылардың барлығы да жергілікті жерде өткізілген байқаудың І кезеңінен (іріктеу кезеңі) оза шыққан қатысушылар. Байқаудың мақсаты: ҚР тілдерді дамыту мен қолданудың 2011-2019 жылдарға арналған мемлекеттік бағдарламасы аясында мемлекеттік тілді дамыту, қолдану аясын кеңейту және мәртебесін арттыру. Сондай-ақ, тыңдаушылар арасынан өз ойын жаңа қарпінде еркін әрі көркем тілмен жеткізе алатын, шығармашылық бағытта жан-жақты дамыған, қазақша сауатты жаза алатын тұлғаларды анықтау. Жастар жылы мерекесіне орай тақырыптарда жазылған қатысушылардың жұмыстарын арнайы құрылған сарапшылық кеңес анықтады. Эссені бағалау барысында мәтіннің берілген тақырыпқа сай болуы, мәтінде аталған қандай да бір деректердің дұрыстығы, сөз көркемдігі мен сөз қорының молдығы ескерілді. Байқау қорытындысы бойынша: Бас жүлдені Мамышева Салтанат Нұрбекқызы - Алтай ауданы, І орынды Ешекенова Раушан Черияздановна – Курчатов қаласы, ІІ орынды Қажымқан Нұрсұлтан Қажымұратұлы – Бесқарағай ауданы, ІІІ орынды Берғалиев Нұрбек Серікханұлы – Риддер қаласы иеленді. Жеңімпаздар мен қатысушыларды ШҚО тілдерді дамыту жөніндегі басқармасының Тілдерді дамыту және үйлестіру бөлімінің басшысы Қалиғазина Сәуле Сағидоллақызы басқарманың Алғыс хаты және бағалы сыйлықтарымен марапаттады.Толық оқу...

Бүгінде мемлекеттік тілді үйрену еліміздің әрбір тұрғыны үшінмаңызды қажеттілікке айналғаны сөзсіз. Міне, осы мақсатта Тілдерді дамыту басқармасы ШҚ Лингвистикалық орталығы тыңдаушыларының арасында байқау дәстүрлі түрде өтіп келеді. Биылғы жылы да 21 ақпан күні сағат 15.00-де ШҚО Тілдерді дамыту басқармасы ШҚ Лингвистикалық орталығының ұйымдастыруымен Жастар жылы аясында мемлекеттік тілді үйренуші өзге ұлт өкілдері арасында өткен шараға оқуға тартылған басқармалар мен департаменттердің мамандары қатысты. Байқау 4 кезеңнен тұрды. Қатысушылар әр түрлі танымдық тапсырмаларды орындады. Қатысушылардың білімін бағалайтын әділ қазылар алқасының арасында университет оқытушыларымен бірге «Ұлан» шығыс өңірлік қолбасшылығының аға офицері Толыбаева Нұргүл Бекеш қызы тіл үйренушілердің біліміне көңілі толғанын айтып өтті. Байқаудың нәтижесі бойынша бірінші орынды Окатенко Надежда иеленсе, екінші орынға Деш Ангелина, жүлделі үшінші орынға Гребенюк Татьяна ие болды. Әділ қазылар алқасының төрағасы Қалиғазина Сәуле Сағидоллақызы байқаудың жүлдегерлерін марапаттап, бұдан да үздік жетістерге жетуге тілектестік білдірді және Тілдерді дамыту басқармасы тарапынан мемлекеттік тілді үйренем деушілерге жазғы лагерь мен «Қазақ тілі-шаңырақта» атты үйірмесі жұмыс жасайтынын айтып өтті. Толық оқу...

Алғашқы біліктілікті арттыру вебинары өтті 2019 жылдың 12 ақпанында ШҚО тілдерді дамыту жөніндегі басқармасы ШҚ лингвистикалық орталығы «Жаһандану жағдайындағы тіл үйретудің инновациялық әдіс-тәсілдері» атты кезекті облыстық вебинар өткізді. Вебинардың негізгі мақсаты – мемлекеттік тілді оқытудың инновациялық әдістері мен түрлерін меңгеруге қашықтан қол жеткізу мүмкіндігін пайдалана отырып облыс, аудан, қала оқыту орталықтары оқытушыларының біліктілігін арттыру, тіл үйретуде тиімді әдіс-тәсілдерді пайдаланудың тиімді жолдарымен бөлісу. Вебинарда Семей қаласының Шәкәрім атындағы мемлекеттік университеті, қазақ тілінің теориясы мен әдістемесі кафедрасының меңгерушісі, доцент Мұқанова Қаршыға Қайроллақызы «Қазақ тілін оқыту: дәстүр мен инновация» тақырыбында баяндама жасап, жалпы теориямен таныстырып, Семей қаласының мемлекеттік Медицина университеті, филологиялық пәндер кафедрасының меңгерушісі Жороқпаева Мейрамгүл Досанқызы «Тілді үйретудің белсенді әдіс-тәсілдері» тақырыбында және «Назарбаев Зияткерлік мектептері» ДББҰ Педагогикалық шеберлік орталығының тренері Жиенбаева Дана Болатбекқызы «Қазақ тілін оқытуда айтылым дағдысын дамытудың тиімді жолдары» тақырыптарында тренинг өткізіп, оқытушыларға тіл үйретуде инновациялық әдіс-тәсілдерді тәжірибе жүзінде көрсетті. Вебинарға қатысқан оқытушылар өзге ұлт өкілдеріне тілді үйретуде қолданып жүрген әдістермен бөлісіп, пікір алмасты.Толық оқу...

Орталықта аралық сынақ өтіп жатыр Бүгін, 17 қаңтар күні Шығыс Қазақстан лингвистикалық орталығының ересектерді оқытудың мемлекеттік бағдарламасына сай ұйымдастырылған курстарға тартылған мемлекеттік қызметшілердің тілді меңгеру деңгейін бағалау мақсатында аралық сынақ басталып кетті. Аралық сынаққа облыстық басқармалар, республикалық департаменттердің мемлекеттік қызметшілері қатысуда. Сынақ тапсырмалары Қазтест жүйесі негізінде құрастырылды. Сынақ кезінде тіл үйренушілердің лексика-грамматикалық тест, тыңдалым, оқылым бөліктері бойынша тест тапсырса, сөйлесім бөлігі бойынша олардың сұхбатқа түсу дағдылары тексерілді. Тіл үйренушілер екі аптадан кейін курсты жалғастырады. Толық оқу...